Pictures of The Month

Picture of The Month For #LightsAndShadowsInColour Theme February, 2018

Bagan, Mandalay, Myanmar. 2017
© Thar Nge

Judge’s Comment
by Thet Htoo
The Freelance Photographer

ကြိုးစားအားထုတ်မှု ကောင်းတဲ့ Featured Collectives အဖွဲ့သားတွေ အကုန်လုံးကို Salute ပါ။  Light and shadow in color ပုံတွေ တစ်မျိုးစီ ကောင်းပါတယ်။

Finalists ဆယ်ပုံလုံး ရသ တစ်မျိုးစီ ရှိပါတယ်။ Picture of the month ရွေးလိုက်တဲ့ပုံလေးက ရိုးရိုးလေးနဲ့ ရုပ်ရှင်ဆန်တယ်လို့ မြင်ပါတယ်။ Theme နဲ့ ကိုက်ညီပြီးသား ပုံတွေထဲမှာ သူက တစ်မျိုးခွဲထွက်နေတယ်။ ရွေးချယ်ထားတဲ့ အဓိက အကြောင်းအရာ၊
အလင်းအမှောင်နဲ့ အရောင်တွေက ဂန္ထဝင်ဆန်တယ်။ ပုံထဲမှာပါတဲ့ အရာဝတ္ထုတွေက အသစ်နဲ့ အဟောင်းတွေ ရောထွေးနေတာ၊ ပါဝင်တဲ့ လူရဲ့ မျက်နှာ၊ ကိုယ်နေဟန်ထား၊ အနီး အဝေးနဲ့ အနိမ့်အမြင့်ရွေးချယ်မှု၊ ရုပ်ရှင်ပိတ်ကားဆန်ဆန်ပေါ်က အရိပ်တွေ၊ ကင်မရာ ခလုပ်ကို နှိပ်တဲ့အချိန် စသည်ဖြင့်
အားလုံးက မြင်နေကျ Light and shadow ပုံတွေကနေ ထူးထူးခြားခြား ခွဲထွက်လာတယ်လို့ မြင်ပါတယ်။

အလင်းရောင်နဲ့ အရိပ်တွေက ဓာတ်ပုံဆရာက နေရာချထားတဲ့ နေရာတွေမှာ နေနေကြသလိုပဲ။ လင်းသင့်တာလေးတွေ လင်း၊ မှောင်သင့်တာလေးတွေ မှောင်နေကြတယ်။

အရောင်နဲ့ ပတ်သတ်လို့လည်း ပြောပါရစေ။ ဒီပုံထဲက အရောင်က မသိတဲ့သူဆိုရင် retouch လုပ်ပြီး ပြင်ထားတယ်လို့ ထင်ကြမလား မသိဘူး။  ဒီပုံကို ဓာတ်ပုံဆရာက ပြန်ပြင်ယူထားသလားဆိုတာ ကျွန်တော်လည်း မသိပါဘူး။ ဒါပေမယ့် ဒီအရောင်က
တကယ် အပြင်မှာ ရှိတဲ့ အရောင်ပါ။ ရန်ကုန်၊ ဇန်နဝါရီ မနက်စောစောမှာ ဒီလို အရောင်လေးကို သဘောကျလို့ ထိုင်ကြည့်ပြီး ဓာတ်ပုံ နည်းနည်း ရိုက်ဖူးတဲ့အတွက် ဒီပုံထဲက အရောင်ပါဝင်မှုကိုလည်း အမှတ်ပြည့်ပါခင်ဗျာ။

ကျေးဇူးပါခင်ဗျာ။


To view other #LightsAndShadowsInColour theme POM: https://goo.gl/d2ixXp

To view #LightsAndShadowsInColour theme photos: https://goo.gl/HuuJM8

Posted by

Modern platform for artists who want to share/ promote their photography artworks. We mainly focus on Street and Fine Art Photography. You can share your artworks on our website's submission page.